Qazaqstan Respýblıkasy Bilim jáne ǵylym mınıstrliginiń buıryǵy  №261

2016 jylǵy 8 sáýir, Astana qalasy «Balalarǵa arnalǵan qosymsha bilim berý uıymdary túrleri qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2013 jylǵy 14 maýsymdaǵy № 228 buıryǵyna ózgerister engizý týraly «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 44-5) tarmaqshasyna sáıkestendirý maqsatynda buıyramyn: 1. «Balalarǵa arnalǵan qosymsha bilim berý uıymdary túrleri qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2013 jylǵy 14 maýsymdaǵy № 228 buıryǵyna (budan ári - Qaǵıda) (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 8565 bolyp tirkelgen, «Egemen Qazaqstan» gazetiniń 2013 jylǵy 21 tamyzdaǵy № 194 (28133) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Balalarǵa arnalǵan qosymsha bilim berý uıymdary túrleri qyzmetiniń úlgilik qaǵıdalarynda: 2-tarmaq mynadaı redaksııada jazylsyn: «2. Balalarǵa arnalǵan qosymsha bilim berý uıymy – bilim alýshylardyń, onyń ishinde erekshe bilim berý qajettiligi bar balalardyń jeke adamnyń, qoǵam men memleket múddesindegi bilim berý jáne mádenı qajettilikterin qanaǵattandyrý maqsatynda qosymsha bilim berýdiń bilim berý baǵdarlamalaryn iske asyratyn bilim berý uıymy.»; 13 jáne14-tarmaqtar mynadaı redaksııada jazylsyn: «13. Balalar mýzyka mektepterindegi, balalar kórkemóner mektepterindegi jáne balalar óner mektepterindegi bilim berý prosesi «Bilim týraly» Zańnyń 5- babynyń 7-1) tarmaqshasyna sáıkes bilim berý salasyndaǵy ýákiletti organ bekitken úlgilik oqý josparlary men bilim berý baǵdarlamalary boıynsha júrgiziledi. 14. Sabaq kestesin balalarǵa arnalǵan qosymsha bilim berý uıymynyń ákimshiligi bilim alýshylarǵa qolaıly jaǵdaı jasaýdy, olardyń jas erekshelikterin, ata-analarynyń qalaýyn eskerip, “Halyq densaýlyǵy jáne densaýlyq saqtaý júıesi týraly’’ 2009 jylǵy 18 qyrkúıektegi Qazaqstan Respýblıkasy kodeksiniń 144-babynyń 6-tarmaǵyna sáıkes halyqtyń sanıtarııalyq-epıdemıologııalyq salamattylyǵy salasyndaǵy memlekettik organ bekitken bilim berý obektilerine qoıylatyn sanıtarııalyq-epıdemıologııalyq talaptarǵa sáıkes jasaıdy jáne bekitedi.»; 17 jáne 18-tarmaqtar mynadaı redaksııada jazylsyn: «17. Qosymsha bilimniń bilim berý baǵdarlamalaryn iske asyratyn birlestikterde oqý-tárbıe prosesin uıymdastyrýdyń negizgi nysany bir taqyryptyq baǵyttaǵy nemese keshendi, kiriktirilgen baǵdarlamalar boıynsha sabaqtar bolyp tabylady. Sabaqtar qosymsha bilimniń bilim berý baǵdarlamalarynyń talaptaryna qaraı oqý jyly boıyna nemese qysqa merzimge uıymdastyrylady. 18. Sabaqtar qosymsha bilimniń bilim berý baǵdarlamasyna sáıkes toppen, jeke nemese birlestiktiń tolyq quramymen júrgiziledi. Birinshi oqý jylynda árbir toptaǵy balalar sany 10-nan 15-ke deıin, ekinshi jáne kelesi jyldary 8-den 12-ge deıin, synaq jáne zertteý toptarynda 6-dan 8-ge deıin bolýy tıis.»; 20-tarmaq mynadaı redaksııada jazylsyn: «20. Erekshe bilim berý qajettiligi bar balalardy oqytý barysynda toptyń quramy 3-6 adamdy quraıdy.»; 27-tarmaq mynadaı redaksııada jazylsyn: «27. Balalarǵa arnalǵan qosymsha bilim berý uıymdary bilim alýshylardyń darynyn jáne kásiptik baǵdarlanýyn damytý maqsatynda ǵylymı, zertteý uıymdarymen birlesip jumys júrgizedi, zańnamaǵa sáıkes eksperımenttik, ǵylymı-zertteý, shyǵarmashylyq jumystar júrgizý úshin olardyń bazasynda bilim alýshylardyń ǵylymı birlestikterin, zerthanalaryn qurady. Eksperımenttik jáne zertteý toptary oblystyq qosymsha bilim berý uıymdarynda da ashylady.»; 30-tarmaqtyń birinshi bóligi mynadaı redaksııada jazylsyn: «30. Balalar mýzyka mektepterinde, balalar shyǵarmashylyq mektepterinde jáne óner mektepterinde qosymsha bilimniń bilim berý baǵdarlamalaryn ıgerý qorytyndy memlekettik attestattaýmen aıaqtalady.». 2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty memlekettik tirkelgennen keıin kúntizbelik on kún ishinde onyń kóshirmesin «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp joldaýdy; 3) tirkelgen osy buıryqty alǵan kúnnen bastap bes jumys kúni ishinde onyń Qazaqstan Respýblıkasy Bilim jáne ǵylym mınıstrliginiń mórimen rastalǵan jáne osy buıryqqa qol qoıýǵa ýákiletti adamnyń elektrondyq sıfrlyq qoltańbasymen kýálandyrylǵan baspa jáne elektrondyq túrdegi kóshirmelerin Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin joldaýdy; 4) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy; 5) Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqty oblystardyń, Astana jáne Almaty qalalarynyń bilim basqarmalary bilim berý uıymdarynyń nazaryna jetkizsin. 4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Bilim jáne ǵylym vıse-mınıstrine júktelsin. 5. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri E.SAǴADIEV Buıryq Qazaqstan Respýblıkasynyń Ádilet mınıstrliginde 2016 jylǵy 12 mamyrda Normatıvtik quqyqtyq kesimderdi memlekettik tirkeýdiń tizilimine №13700 bolyp engizildi.